EAJ-PNV: EAJ-PNVk Euroganberara eraman du jaioberri lapurtuen drama

Parte hartu

2012/02/02

EAJ-PNVk Euroganberara eraman du jaioberri lapurtuen drama

Eman iritzia

Izaskun Bilbao EAJ-PNVren eurolegebiltzarkideak inplikazioa, babesa eta sentsibilitatea eskatu die Europar Legebiltzarreko kideei, azken hilabeteotan jaioberri lapurtuen tragediaren inguruan egiten ari den ikerketaren inguruan. EAJ-PNVren esanetan “europar erakundeek gai ilun honi begiratzeak lagunduko du delitu hauek egin zituen azpijokoa desegiten”.

Bilbaok gogoratu duenez 60 eta 80 hamarkada artean milaka ume jaioberri lapurtu zirela espainiar Estatuan. “Helburua ekonomikoa zen. Euskadin 600 kasu izan daitezke, 200 azterketa judizial eragin dutenak. Orain arte hiru hilobi ireki dira. Denak zeuden hutsik. Antolatutako talde bat izan zen, era guztietako instantzia ofizialen eragile ustelen laguntasunekin".

“Horregatik inplikazioa, babesa eta sentsibilitatea eskatzera natorkizue. Europar erakundeek gai ilun honi begiratzeak kasua argitzen lagunduko du” amaitu du ordezkari jeltzaleak.

Baloratu: