EAJ-PNV: Tapia: "EAJk ez du Hezkuntza eskumenak Estatuarentzat berreskuratzeko saiakerarik babestuko"

Parte hartu

2012/02/01

Tapia: “EAJk ez du Hezkuntza eskumenak Estatuarentzat berreskuratzeko saiakerarik babestuko”

Eman iritzia

Arantza Tapia Euzko Abertzaleak taldeko diputatuak Jose Ignacio Wert Hezkuntza ministroari adierazi dio bere taldeak hezkuntza sistema hobetzeko adostasunak lortzeko duen borondatea “kalitate handiagoko eredua bilatzeko, ezagutza handiagoa lortzeko eta eskakizun akademikoko eta hizkuntza maila ona eskuratzeko“ eredurantz.

Dena dela, gogoratu nahi izan du Hezkuntza eskumena osorik dagoela Autonomi Erkidegoetan, eta zentzu honetan, bere taldeak hitz egiteko duen borondatea azaltzearekin batera iragarri dionez “Euzko Abertzaleak taldeak ez du inolako akordiorik, legerik edo Estatu Itunik babestuko, jadanik transferituta dauden eskumenak berreskuratzeko”.

Azpimarratu duenez, hizkuntza koofizialak dauden autonomi erkidegoak bereziki aztertu behar direla. “Ondo dago elebitasuna ingelesarekin, baina gure hizkuntza koofizialak galdu gabe”.

Kirol esparruan, Arantza Tapiak Wert ministroari eskatu dio euskal kirol selekzioen ofizialtasuna, eta aurreratu dio Euzko Abertzaleak taldeak legegintzaldi honetan ere defendatuko duela.