EAJ - PNV

Berriak

Erkorekak Zapaterori: “Entzun iezaiezu Alakrana itsasontzikoen familiakoei, etsita daude eta”

2009/10/28

Josu Erkoreka Diputatuen Kongresuko Euzko Abertzaleak taldearen bozeramaileak "antzezpen lotsagarritzat" jo du Alakranaren bahiketaren ostean atxilotutako eta Madrileratutako somaliar piratekin  gertatzen ari dena. Jose Luis Rodriguez Zapatero Espainiar Gobernuko Presidenteari eskatu dio bahitutako tripulazioaren familiakoei "entzun diezaien".

Gobernua kontrolatzeko bilkuran egindako galdera bidez Josu Erkorekak honakoa esan dio Rodriguez Zapaterori . "Alakranaren bahiketa ondo amaitzen denean hitz  egingo dugu guk antzezpen lotsagarri honetaz". Gaineratu duenez "ezgaitasun, arinkeria eta  itxurakeria koktel ulertezina baino ez da". 

Era berean, bozeramaile jeltzaleak Zapaterori eskatu dio "familiei entzun diezaien" eta hala irakurri du ganberan kapitainaren arrebak egindako adierazpenak "etxera etortzea nahi dugu, gertakizun hau amaitzea, horrela ez dugu jarraitzerik " esan zuen guztiz etsita. Josu Erkorekak Rodrigez Zapaterori exijitu dio familiak "ez ahaztea",  ematen duelako "Gobernuak gai hau hiritarrei ezkutatu nahi diela" eta "tentsio,kezka eta etsipenez betetako unea bizitzen ari dira".

Albiste gehiago

• 2010/09/10

  EAJk eskatzen du Bengoa Legebiltzarrean agerraldia egin dezala, bere goi-kargudun batekin erlazionatutako enpresei emandako esleipenen berri emateko

• 2010/09/10

  EAJ: “Goi mailako hezkuntza sistema eraiki nahi dugu,etengabe egokitu eta ebaluatuko dena”

• 2010/09/10

  Urkullu: “Ez da egin su etena iragartzeko adierazpen argi eta gardenik”

• 2010/09/09

  Gatzagaetxebarriak azaldu duenez berreskuratze ekonomikoa eman da “lanak aldez aurretik egin zirelako”

• 2010/09/09

  Izaskun Bilbaok Lisboako hitzarmenean erregioei ematen zaien parte hartzearen funtzionamendu txarra salatu du