EAJ - PNV

Berriak

Urkullu: “Ezin da berriz hain lotsagarri geratu”

2009/11/20

Iñigo Urkullu EAJ-PNVren EBBren lehendakariak eskatu du "ezin da berriz errepikatu Alakranaren bahiketaren inguruan  gertatu den  lotsagarritasuna eta inprobisazioa". Urkulluren esanetan, agerian geratu da  Estatuko Gobernuaren  eta Eusko Jaurlaritzaren "antolaketarik eza".

Buruzagi jeltzaleak neurriak hartzeko proposamena egin du "hirugarren Alakrana gerta ez dadin" eta jarduera protokoloa egitea eskatu du halako egoerak ematen direnetako. Halaber, Indiako itsasoan segurtasun dispositiboa  indartzeko eskaria ere egin du.

Gaur goizean eskaini den prentsa aurrekoan Urkullu Josu Erkoreka diputatuaren eta Unai Rementeria legebiltzarkidearen ondoan agertu da. Hauen artean ezagutzera eman ditu EAJ-PNVk datozen asteotan  Europar Legebiltzarrean, Estatuko legebiltzarrean eta Eusko legebiltzarrean  aurkeztuko dituen proposamen eta ekimenak  "Alakranaren egoera berriz ere gerta ez dadin". Alakrana itsasontzia 47 egunetan egon da  bahituta, somaliar piraten mende.

EBBren lehendakariak adierazi duenez "zalantzarik gabe, gaizki egin dutenek azalpenak eman beharko dituzte" eta iragarri du bere alderdiak "ardurak" argi eta garbi uztea eskatuko duela. Hala eta guztiz ere, Maria Teresa Fernandez de la Vega presidente ordearen eta Patxi Lopez lehendakariaren azalpenak entzun arte itxarongo du, gaiaren inguruko erabakia hartzeko.

Gaineratu duenez, Izaskun Bilbao eurodiputatuak Europar Legebiltzarraren aurrean defendatuko du asteazkenean bertan, arrantza ontzidiarentzat zabaltzea Atalanta Operazioak  merkatal itsasontziei ematen dien babesa. Horrekin batera, proposatuko da Europa mailan  arrantza egiteko oraingo egoeraren berri ematea eta "egoera hobetzeko formula juridiko eta politikoak" aztertzea. Hauen artean, estatu kideek beren itsasontziei ematen dieten babesa berdintzea proposatzen da.

Albiste gehiago

• 2010/02/08

  Kongresuko Euzko Abertzaleak taldeak 2010-2025 epealdirako ZIentzia Lege eta Egitasmoa eskatu ditu

• 2010/02/08

  EAJ-PNV eta Units per Valencia alderdien arteko bilera

• 2010/02/08

  Gasteizko EAJ-PNVren Udal Taldeak tranbia zerbitzua behar diren orduetan ugaritzea lortu du

• 2010/02/08

  José Luis Bilbaok Lopezi “ezkutaketan aritu gabe” hitz egiteko eskaria luzatu dio Guggenheim Urdaibairen inguruko akordioa erdieste aldera

• 2010/02/08

  Andoni Ortuzarrek Eusko Jaurlaritzaren “egiteko eskasa” kritikatu du, Donostiako gailurrean “afaria ordaintzea” baino ez duelako egin