EAJ - PNV

Berriak

Begizta zuri erraldoia Sabin Etxean

2009/11/25

Euzko Alderdi Jeltzalea emakumeen kontra gauzatzen den bortxakeria ororen gaitzespen gisa Bilboko bere egoitza nagusiaren, Sabin Etxean, aurrealdean begizta zuri erraldoi bat jarri du.

EAJ-PNVk gaitzespenik sendoena adierazi nahi du emakumeen kontra gauzatzen den bortxakeria ororen aurrean, genero bortxakeria giza eskubideen eta funtsezko eskubideen urratzea delakoan. Halaber, gizakien duintasunaren kontrakoa da eta gizarte demokratikoen osaketari egiten zaion erasorik handiena.

Emakumeen kontrako bortxakeria , gizarteko sektore guztietan dago; berdin dio arraza, talde etnikoa, diru sarrera maila, kultura, hezkuntza maila, adina edo erlijioa. Sorrera du emakumeak bizitzaren esparru guztietan pairatzen duen egoera desorekatuan.

Emakumeen kontrako bortxakeria lehentasunezko helburua da gure gizartean, eta  konpromisoa hartzen dugu behar besteko neurri eta ekimenak martxan jarriko ditugula emakume eta gizonen arteko berdintasunaren alde, hori delako bortxakeria matxista desagerrarazteko bide bakarra. 

Nazioarteko erkidegoak bortxakeria matxistaren aurrean egoerarik ahulenean dauden emakume taldeen egoeraren inguruan  duen kezka berezi hori partekatzen dugu. Emakume hauen artean daude gizarte talde gutxituak, behartsuak, emakume errefuxiatuak, indigenak, etorkinak, espetxeratuak, atxilotuak, umeak, emakume nagusiak, gaigabetasunak dituzten emakumeak  eta gatazka armatuan bizi direnak.

Deialdi berezia egin nahi diogu euskal gizarteari, emakume eta gizon guztiei helarazi nahi diegun mezua, denok osatzen dugun gizarte honek jarrera aktiboa har dezan bortxakeriaren aurrean. Bortxakeriarik egin ez dezala, onar ez dezala eta sala dezala. 

Era berezi batean, eskari bat egin nahi diegu gizonei, inplikazio handiagoa izan dezaten familiako ardura eta eginbeharretan. Halaber, gizontasun eredu berrien inguruko hausnarketa bateratua egin dezagun, emakume eta gizonen arteko harremanak begirunean eta tolerantzian oinarrituta egon daitezen.  

Gure solidariotasunik sendoena adierazi nahi diegu halako bortxakeria sufritu duten eta sufritzen duten emakume guztiei; hitza ematen diegu bortxakeria hau behin betiko desagerrarazteko lanari ekingo diogula.

Amaitzeko,  gure egiten dugu  lazo zuria, emakumeenganako bortxakeriaren kontrako borrokaren ikurra, eta emakumeenganako bortxakeriarik gabeko bizitza askea eskatzen duen munduko deiarekin bat egiten dugu. 

Albiste gehiago

• 2010/09/02

  Barakaldoko EAJ-PNVk udal taldea utzi duten zinegotzi biei eskatu die ´berehala beren zinegotzi aktak eman ditzatela´

• 2010/09/02

  Erkoreka enplegu transferentziari edukina emateko formularen alde, “Kutxa Bakarra gutxietsi gabe”

• 2010/09/02

  Olanok adierazi duenez “Amaitzear dago bortxakeriaren deslegitimazioaren oxigenoa” eta honek Euskadiren berpizkundea ahalbidetuko du

• 2010/08/31

  “Gure ateak itxita egongo dira, baldin eta enpleguaren arloko transferentzia Estatutuari doitzen ez bazaio”

• 2010/08/30

  Josu Erkoreka: “EAJkook ‘lintxatu’ egingo gintuzten kale borroka gutxiesteagatik”