EAJ - PNV

Berriak

Erkoreka: “Zorionak eman nahi dizkiot Kataluniako prentsari, ekimen osasuntsua eta positiboa baita”

2009/11/26

Diputatuen Kongresuko euskal taldeko bozeramaileak, Josu Erkoreka, "zorionak" eman dizkio gaur goizean Kataluniako Estatuten aldeko editoriala argitaratu duten hamabi egunkariei. Erkorekak esan duenez, "ekimen osasuntsua eta positiboa da", eta "nahiko nuke nik hori Euskadin posible izatea, baina beldur naiz epe laburrean ezinezkoa dela edo izango dela".

Erantsi du "gertatutakoa sekula ikusi gabeko askatasun eta demokrazia adierazpena da, eta interesgarria da", "erabakitzeko eta libreki adierazteko bide horretatik ere eman daitekeelako adibidea". Gainera, bozeramaile jeltzaleak esan du Kataluniako autogobernuaren defentsa "Katalunian ideia komuna eta konpartitua da, Estatuko erakunde zentralean aurrean. Nazio identitate propioaren adierazpena da, eta aurre egiten dio estatuak egin ditzakeen erabilera okerrei, esleituta dituzten eskumenak tarteko".

Azkenik, kazetarien galderei erantzuteko, Josu Erkorekak esan du ez duela uste Konstituzio epaitegiari presioa egiteko saiakera denik. Hala ere, erantsi du "hala balitz, azken hilabetetan agertu diren presioen arteko beste bat litzateke". Presio horiek, besteak beste, komunikabideen eskutik izan dira ere.

Albiste gehiago

• 2010/09/10

  EAJk eskatzen du Bengoa Legebiltzarrean agerraldia egin dezala, bere goi-kargudun batekin erlazionatutako enpresei emandako esleipenen berri emateko

• 2010/09/10

  EAJ: “Goi mailako hezkuntza sistema eraiki nahi dugu,etengabe egokitu eta ebaluatuko dena”

• 2010/09/10

  Urkullu: “Ez da egin su etena iragartzeko adierazpen argi eta gardenik”

• 2010/09/09

  Gatzagaetxebarriak azaldu duenez berreskuratze ekonomikoa eman da “lanak aldez aurretik egin zirelako”

• 2010/09/09

  Izaskun Bilbaok Lisboako hitzarmenean erregioei ematen zaien parte hartzearen funtzionamendu txarra salatu du