EAJ - PNV

Berriak

Lemoak etxebizitzetan igogailuak jarri daitezen bultzatuko du

Praktika eredugarriak 2009/12/29

Lemoako Udalak igogailurik ez duten etxebizitzetan eta lokaletan horiek jartzeko araudi bat onartu du. Izapide horren bidez udalak udalerriko bizilagun guztiei, eta batez ere pertsona ezinduei edo mugitzeko arazoak dituztenei, etxeetara erraz heltzeko "aukera" eman nahi die. Xede hori betetze aldera, hain zuzen, udalak beretzat gorde du igogailua jartzeko behar diren lurren jabetza kentzeko eskubidea, baldin eta lurren jabeak lurra igogailua jartzeko laga nahi ez badu.

Jabetza kentzeko gaitasun hori ordenantzan sartu da, Gutxitasun Fisikoa duten Pertsonen Bizkaiko Federazio Koordinatzaileak (Feekor) jarri duen alegazio bat onartu ostean.

Jabetza kentzeko erabaki hori, dena den, soilik hartuko da etxebizitzan igogailua jarri nahi duten herritarrek "modu sinesgarrian" egiaztatzen dutenean ezin dutela obrarik egin igogailua jartzeko behar den lurraren titularra horrekin ados ez dagoelako.

Lemoako udalerrian ehun etxebizitza daude igogailurik gabe, gutxi gorabehera. Gainera, Arratiako herri honetan hainbat pertsonak ezin ditu ohiko zereginak egin (adibidez, erosketak egitera irten), kalera ateratzeko dituzten eskailerak jaitsi eta igo ezin dituelako.

Orain arte, igogailua jartzeko sei obra lizentziaren eskaerak jaso ditu udalak. Izan ere, Lehendakari Agirre kaleko 2, 3, 4, 5 eta 6 atarietan igogailua jarri ahal izateko udalaren lurra laga beharko du.

Albiste gehiago

• 2010/09/02

  Barakaldoko EAJ-PNVk udal taldea utzi duten zinegotzi biei eskatu die ´berehala beren zinegotzi aktak eman ditzatela´

• 2010/09/02

  Erkoreka enplegu transferentziari edukina emateko formularen alde, “Kutxa Bakarra gutxietsi gabe”

• 2010/09/02

  Olanok adierazi duenez “Amaitzear dago bortxakeriaren deslegitimazioaren oxigenoa” eta honek Euskadiren berpizkundea ahalbidetuko du

• 2010/08/31

  “Gure ateak itxita egongo dira, baldin eta enpleguaren arloko transferentzia Estatutuari doitzen ez bazaio”

• 2010/08/30

  Josu Erkoreka: “EAJkook ‘lintxatu’ egingo gintuzten kale borroka gutxiesteagatik”